စိုင်းဝင်းမြင့် ကဗျာများစုစည်းမှု (၅၅)ပုဒ်
။။။။။။။။။။။။။။။။။။။။။။။။။။။။။။။။။။။။။။။
ဟန်ပျက်ခြင်း
____________
ဆယ့်ခြောက် အဆင်နဲ့
ဘဝကို ရင်မခုန်ချင်လို့
နောက်တစ်ဖဲ ထပ်ဆွဲလိုက်ခါမှ
ဆယ်ဖဲက တက်လာ ။ ။
#စိုင်းဝင်းမြင့် ရုပ်ရှင်တေးကဗျာ ၊ နိုဝင်ဘာ ၊ ၁၉၉၇ ။
#မိသားစု
မိသားစု ဆိုတာ
တစ်ယောက် ရှေ့ရောက်ဖို့
တစ်ယောက် နောက်ဆုတ်ရတယ်
သစ်ကိုင်းတစ်ကိုင်း တိုးထွက်ဖို့
သစ်ကိုင်းတစ်ကိုင်း အခုတ်ခံရတယ်
မိသားစု သီချင်းဟာ အတက်အဆင်း ရှိတယ်
သံစုံမြည်တယ် ။
မိသားစု ဆိုတာ
လူခြောက်ယောက်ရှိ လူခြောက်ယောက်
လက်ဆယ်ချောင်းရှိ လက်ဆယ်ချောင်း
ခေတ်က တောင်းဆိုတဲ့အတိုင်း လှုပ်ရှားရတယ်
အိမ်ရှိ လူအကုန် ။
လဲကျသွားတဲ့ ငါ့အဖေ နေရာကို
ငါ့ညီလေး ဝင်ခဲ့တယ်
ယိုင်နဲ့သွားတဲ့ ငါ့အမေ နေရာကို
ငါ့ညီမလေး ဝင်ခဲ့တယ်
မိသားစုကို ငါ မမြင်ခဲ့ဘူး ။
ငါ့အတွေးအခေါ်က
သားသမီး ဆိုတာ သီးခြားရှင်သန်ရတဲ့ ဘဝတစ်ခု ။
ငါဟာ လမ်းပေါ်မှာ ကြီးပြင်းခဲ့လို့
လမ်းနဲ့ သွေးသားတော်စပ်တယ်လို့ ထင်တယ် ။
ငါ့မိသားစုမှာ ငါဟာ မလင်းတဲ့မီး
ငါ့မိသားစုမှာ ငါဟာ မလုံခြုံတဲ့ထရံ
ငါ့ကြိုးကို တီးခတ်လိုက်တိုင်း သံကြောင်ထွက်တယ်
ငါ့မိသားစုမှာ
မိုးယိုပေါက်လေးတစ်ပေါက် ရှိနေတယ် ဆိုလည်း
ငါပဲ ဖြစ်မှာ
ငါ့မိသားစုမှာ
ကြမ်းခင်းတစ်ချပ် ကျိုးပဲ့နေတယ် ဆိုလည်း
ငါပဲ ဖြစ်မှာ
မအောင်မြင်တဲ့ ဘောလုံးအသင်းဟာ ငါ့မိသားစုပဲ
မဝင်တဲ့ ဂိုးတွေကို ငါ သွင်းခဲ့တာ ။ ။
#စိုင်းဝင်းမြင့်
၂၀၀၂ ။
#သင်ယူရမယ့်လမ်း
မင်း မျက်နှာကို မတွေ့ရတဲ့နေ့ဟာ
လမ်းမှားတော့တာပဲ
မင်းက နေနိုင်တယ်
ချစ်တာကို ချစ်တယ်လို့ ဖွင့်မပြောဘူး
အသေခံတယ် ။
မင်းဆီက ပျော်ရွှင်မှုကို မရတဲ့နေ့ဟာ
တစ်နေရာရာမှာ ပျက်ကျတော့တာပဲ ။
မင်းက
ဆယ့်ငါးမိနစ် တစ်ခါ
တကယ်ချစ်ရဲ့လား မေးပြီး
ငါးမိနစ် တစ်ခါ
‘ ပြန်မယ် ၊ ပြန်မယ် ’ ပြောလို့
ပျံသန်းခြင်း အတတ်ပညာကို
မင်းဆီက သင်ယူနေရတာ
ငါက မစဉ်းစားဘဲ အော်ဟစ်နေသူလား
မင်း ဘယ်တော့မှ မမှားဘူး ။
ငါ့ရဲ့ အမှားက တအားထက်လို့
ဘာမဆို ငါ့ကိုထိရင် ပြတ်လို့
စိတ်ရူးပေါက်ခဲ့စဉ် အခါက
ငါ့ဘက်က ဖြတ်စာလည်း ပေးခဲ့ဖူးတယ် ။
ငါ့အနားမှာ မင်း ရှိရုံနဲ့
မလုံလောက်သေးဘူး
ငါက လောဘအရမ်းကြီးတာပဲ
မင်းကို မရရင် ဘာမှမယူဘူး
ငါ တစ်ယောက်တည်းရှိတဲ့ အခန်းတွေမှာ
မီးရှို့ဖို့
ငရဲဆီသွားတဲ့ လမ်းဆိုလည်း
မင်း နှုတ်ခမ်းတွေကို နမ်းချင်တယ်
ရေဝင်ပေါက်လေး တစ်ပေါက်နဲ့
သင်္ဘောကို မနစ်မြုပ်စေနဲ့
ဓာတ်တိုင်မှာ ဓာတ်ကြိုးတွေ ရှုပ်ထွေးနေပေမဲ့
သူ့သွေးနဲ့ သူ စီးဆင်းတယ်
မင်း သူငယ်ချင်းတွေကို
မင်း ပြောခဲ့တယ်ဆို
‘ ကျွန်မတို့ ပြတ်သွားတာ မဟုတ်ဘူ
ကျွန်မတို့ ဝေးသွားတာ ’
‘ ကျွန်မတို့ ပြတ်သွားတာ မဟုတ်ဘူး
ကျွန်မတို့ ဝေးသွားတာ ’
ကျွန်မတို့ . . .
ကျွန်မတို့ . . . ။
ဇန်နဝါရီ ကုန်သွားတယ်
ဖေဖော်ဝါရီ ကုန်သွားတယ်
ဒီဇင်ဘာ ရောက်လာတယ်
ပြတင်းပေါက်တွေ ဖွင့်တယ်
တစ်နေ့တည်း
ရွက်ဆုတ်ပြက္ခဒိန်ကို လေးငါးရွက် ဖြဲပစ်တယ်
၂၀၀၁ ရောက်လာတယ်
၂၀၀၂ ရောက်လာတယ်
ဖွင့်ထားတဲ့ ပြတင်းပေါက်မှာ
ရောက်ရှိလာတော့လည်း အမှောင်
အသက်ရှိသူအဖြစ် ဟန်ဆောင်တွေ့ဆုံလို့
‘ ဒီမှာလည်း ကျွန်မကိုယ် ကျွန်မ ထိန်းရတာ ’
‘ ဟိုမှာလည်း ကျွန်မကိုယ် ကျွန်မ ထိန်းရမှာ ’
‘ ကျွန်မ ရန်ကုန် သွားမယ် ’
နင့်အဖေ မျက်နှာကို မြင်ချင်ရင်
နင့်မျက်နှာကို နင် မှန်ထဲပြန်ကြည့်
ရန်ကုန်ကို ဘာထင်နေသလဲ
လွယ်လွယ်နဲ့ အသက်ရှင်လို့ မရဘူး
ရန်ကုန်ဟာ စစ်မြေပြင် ။
ငါတို့က ဘဝနဲ့သာ တွေ့ခဲ့ရတာ ဆိုတော့
အရူးရူးသက်သက်နဲ့ စလို့မရဘူး
မင်းက ဝေးကွာခြင်းကို စတင်မယ် ဆိုရင်
ငါက ဝေးကွာခြင်းကို ချဲ့ထွင်မယ်
ပခုံးပေါ်က လက်ကို ဆွဲဖြုတ်ဖို့ စိတ်မကူးနဲ့
အဲဒီ ချောက်ကမ်းပါးက ကျရင် မပေါ်တော့ဘူး
မင်း ရှေ့မှာ ငါ ရပ်နေရင်း
မင်း အနောက်ကို ငါ ရောက်ရောက်သွားတာ မြင်ရ
မင်း လက်ကို ဆုပ်ကိုင်ထားရင်း
ဆုပ်ကိုင်ထားတဲ့လက် သွေးဆုတ်သွားတာ မြင်ရ
နှစ်ယောက်တည်းပဲ ရှိနေတာ
ပြောလက်စ စကားကို ဖြတ်ချလို့
မင်းက အမြဲတမ်း နောက်လှည့်လှည့် ကြည့်နေတော့တာပဲ ။
အခုတော့ လိုနေတဲ့ အရောင်တစ်ရောင်နဲ့
အချစ်က ဘယ်တော့မှ မပြီးတဲ့ ပန်းချီကား
စုတ်ချက်ဟာ ဘယ်နေရာမှာ အဆုံးသတ်မလဲ
ငါဟာ လမ်းများသူပါကွာ
ပြန်လည်တွေ့ဆုံမှုဟာ
တကယ် ချစ်ခဲ့တာ မဟုတ်ဘူး ငြင်းမလို့လား
ဘဝကို လောင်နေတဲ့မီးမှာ
မင်းက ဘယ်တော့မှ မစွဲလောင်ဘူး
အလင်းရောင်ကိုပဲ ယူတယ်
ငါ့အချစ်ကလည်း အသက်မစွန့်ရရင် မပျော်ရွှင်ဘူး
သေနေတဲ့ အပင်ကို ရှင်အောင်စိုက်တယ် ။ ။
#စိုင်းဝင်းမြင့်
၂၁ ၊ ၄ ၊ ၂၀၀၃ ။
ချယ်ရီ ၊ ဇူလိုင် ၊ ၂၀၀၃ ။
#သူစိမ်း
စိတ်ဘောင်ဘင်ခတ်ပေမဲ့
ရင်ဗလာ
ရင်ဘောင်ဘင်ခတ်ပေမဲ့
စိတ်ဗလာ ။
ငါ့ကိုယ်ငါ လုပ်ကြံတယ်
ငါ့လက်ထဲက ဓားကို ငါ ပြန်လုတယ်
နှစ်ခုစလုံး လွဲတယ် ။
တည့်တည့်တိုးမိတာက ခပ်ညံ့ညံ့ လက်ဖက်ရည်ဆိုင်
ရေနွေးကြမ်း တစ်အိုး ရတယ်
ဖက်ကြမ်း တစ်လိပ် ရတယ်
အလုပ်ကြမ်း တစ်ခု ရတယ်
အလွမ်းကြမ်းကြမ်း တစ်ခြမ်း ရတယ် ။
ရင်ပြည့် စိတ်ပြည့်ပဲ
ကိုယ်နဲ့ မတော်တဲ့ မနက်ခင်း လှုပ်ခတ်နေလိုက်တာ
ငါ ငေးယူခဲ့ပုံကလည်း
ငါ ပြုခဲ့ဖူးတဲ့ ကုသိုလ် အကုန်ပဲ ။ ။
#စိုင်းဝင်းမြင့်
ရနံ့သစ် ၊ ဇန်နဝါရီ ၊ ၂၀၀၀ ။
#သူစိမ်း_ ၁
ငါ အိမ်ပြန်လာတော့
ငါ မရှိတုန်း မွေးထားတဲ့ ခွေးက
ငါ့ကို ဟောင်တယ် ။
ငါ့အိမ်သုံး ရုပ်ပစ္စည်းတွေ
ငါ့ကို စိမ်းလို့
ငါ သိမ်းခဲ့တဲ့ စာအုပ်တွေလည်း
မရှိတော့ဘူး ။
အဖေ့ကို ငါ စစ်ဖြစ်ခဲ့တာက
ပြီးခဲ့တဲ့ ၇ နှစ်
ငါ့စိတ်တွေ ပေတေ လေလွင့်
ဒုက္ခတွေ တသွင်သွင် ပွင့်တယ် ။
ငါ့ရင် ငါ ဖွင့်ကြည့်တော့လည်း
နှလုံး ခုန်တစ်ချက် မခုန်တစ်ချက်
အသက်ရှုတစ်ချက် မရှုတစ်ချက်
ငါ အိမ်ပြန်ခဲ့တယ်
ငါ့အသက်ကို ငါ မမီတော့ဘူး ။
#စိုင်းဝင်းမြင့်
#သူစိမ်း_၂
မနက်ခင်းက
အော်ကြီးဟစ်ကျယ်နဲ့ စတယ်
အိပ်ရေးမဝဘဲ အိပ်ရာက
ထတယ် ။
ရှေ့မှာ
ဝရန်တာ
ဝရန်တာ ရှေ့မှာ
ဓာတ်ကြိုး
ငါ့စိတ်တွေ အစိုးမရချင်ဘူး
လက်တစ်ကမ်း စိတ်တစ်ကမ်းသာ ကွာရဲ့ ။
စွတ်စိုထိုင်းမှိုင်းတဲ့ ကမ္ဘာကြီး
ငါ့ကို ငြီးငွေ့သွားအောင် ဖွဲ့နွဲ့တယ်
အပျောက်အရှ များတယ်
အသွေးအသား များတယ် ။
ငါ အရက် မသောက်ဘူး
ငါ ဆေးလိပ် မသောက်ဘူး
ရူးများရူးနေသလားပဲ
ကွမ်းလည်း မစားဘူး ။
နေ့ရှိသမျှ ကြားရတဲ့ ပြန်ဆိုတေး
ငါ ဘေးမတွေ့လို
ပျိုရွယ်သူ တစ်ယောက်ရဲ့ အိမ်ပြန်ခရီး
ညကြီးပိုင်းကား တွယ်စီးခဲ့တယ် ။ ။
#စိုင်းဝင်းမြင့်
#သူစိမ်း_၃
မနက် မိုးလင်းတာနဲ့
ကိုယ့်အသက်ကို ကိုယ် ပြန်စမ်းနေရ ။
လက်ဖက်ရည် တစ်ခွက်ရဖို့
ကိုယ့်ကြမ်းတမ်းမှုကို ပြရ
စားပွဲထိုးက ခေါ်မကြား အော်မကြား
‘ ဟေ့ကောင် . . .
ဒီမှာ မီးသေနေပြီ ’
ဘဝသေ တစ်ခု မျက်နှာသေ တစ်ခု
လင်စိတ် သားစိတ် ကုန်ခန်းနေလေရဲ့
ငါ့တုန်လှုပ်ချောက်ချားမှုကို
ဖောက်ခွဲပစ်လိုက်တယ် ။
လမ်းဘေး စာတိုက်ပုံးနဲ့
လမ်းဘေး ခွေးခြေတစ်လုံး
ငေါင်စင်းစင်း မျက်နှာချင်းဆိုင်
အခုထိ စာတစ်စောင်မှ မထည့်နိုင်သေး ။
ပြန်ဆိုတေး မဖြစ်တဲ့ နေ့တစ်နေ့ဟာ
သီချင်းအသစ်လည်း မဖြစ်
ချစ်မေတ္တာမဲ့ တစ်နံတစ်လျားမှာ
အသံ ဆိုတာလည်း မရှိတော့ပြီ ။ ။
#စိုင်းဝင်းမြင့်
သရဖူ ၊ မတ် ၊ ၂၀၀၁ ။
#သူစိမ်း_၄
နေမပွင့်ခင် ပွင့်မိတဲ့စိတ်ကူး
နေပွင့်တော့ နောက်ဖေးက ချောင်းထဲ မျှောချခဲ့ရတယ် ။
အိမ်ဘေးက မြေအလွတ်မှာ
ဘာအပင်မှ မစိုက်မိခဲ့တဲ့ လူလွတ်တစ်ယောက်
အိမ်အမိုးကောင်းကင် အလွတ်မှာလည်း
စွန်တစ်ကောင်မှ လွှတ်မတင်နိုင်ခဲ့ဘူး ။
အနုပညာကို ခူးဆွတ်နေရတာက
တစ်ပူး ကင်းပူးလေးနဲ့ ရူးသွပ်နေရသလို
အိုင်နေတဲ့ ရေ ပက်ထုတ်ရဦးမယ်
နင်နေတဲ့ မီး ဟပ်ထုတ်ရဦးမယ် ။
ရွာလမ်းမ အဆုံးမှာ
ခြေထောက်တွေ မဆုံးနိုင်ခဲ့တော့
ရေမျောကမ်းတင် ခုတ်သားတစ်စ
ငါ့ရဲ့ညက သယ်လာတယ် ။ ။
#စိုင်းဝင်းမြင့်
#သူစိမ်း_၅
ရာသီဥတုက
အိမ်အပြင်မှာ တစ်ခု
အိမ်ထဲမှာ တစ်ခု
ငါ့ရဲ့ လူ့အဖြစ်ကို
အမှုဖွင့်လိုက်တာ ဘယ်သူလဲ
မပြီးနိုင် မစီးနိုင် ငြီးစီစီရှည်လျား
ငါ့ခြေတစ်လှမ်းဟာ
ငါ့အိမ်နဲ့ ဝေးရာ
နောက်ထပ် ငါ့ခြေလှမ်းများ
ငါ့ဘဝနဲ့ ဝေးရာများ ။ ။
#စိုင်းဝင်းမြင့်
#သူစိမ်း_၆
အမေနဲ့သား
စကားမပြတ်ဘူး
လျှပ်စီးရောင် တလက်လက်
အသံပေးတယ် ။
ဘဝနဲ့ဝေးရာ ငေးမိသူ
ဘဝနဲ့ဝေးရာ ပြေးမိသူ
လွမ်းပေါ့
ရင်ပြည့်ရင်လျှံ
ဝန်တင် ၂ တန်
လူစီး ၂၆ ဦး
ချစ်မေတ္တာ အပြာကြီး
ရသမျှ အငမ်းမရ
ဆွတ်ဆွတ်ယူသွားပုံလေးကိုပဲ
အမေ့မှာ တရိပ်ရိပ် တရေးရေး
ရပ်ငေး ကျန်ရစ်တယ် ။ ။
#စိုင်းဝင်းမြင့် #သူစိမ်း_၇
ညနေ ငြိမ်းတာတောင်
စိတ်က မငြိမ်းသေးဘူး ။
ကိုယ့်ခေါင်းပေါ်က တိမ်တစ်စ
ဘယ်သွားရမှန်း မသိဘူးလား ။
အသက်အချိတ်အဆက်မှာ
ကိုယ့်အရိပ်က လခြမ်း ထမ်းထားရသေး ။
အလွမ်းအဆွေးများနဲ့ ဆည်းဆာ
ခရီးအကွာအဝေးကို တွက်ချက်မိပြန်တယ် ။
#စိုင်းဝင်းမြင့်
#သူစိမ်း_၈
ရုတ်တရက်
မီးပြတ်သွားတော့
အမှောင်ထဲမှာ တိုးမိ တိုက်မိ
ကိုယ့်အိမ်မှာ
ဘယ်နေရာ ဘာရှိမှန်း မသိဘူး ။
မီးခြစ်ကို စမ်းမိတော့
စိတ်ကူးတစ်ချက် ပွင့်သွားတယ်
ရေစိုဖယောင်းတိုင် အတိုလေး
တဖျစ်ဖျစ် ထမြည်တယ် ။
ညဟာ
သွေးနဲ့ကိုယ် သားနဲ့ကိုယ်
တစ်ခုခုလိုတာ အမှန်ပဲ
အာရုံမှားတော့မယ် ။ ။
#စိုင်းဝင်းမြင့်
#သူစိမ်း_၉
ရာသီဥတုက
ငါ့အသက်ကို လုတယ် ။
ငါ့မှာ
ရင်ဘတ် ဓားတန်းလန်းကြီးနဲ့
ဘဝနဲ့ဝေးရာ ငေးငေးနေရ
ဘဝနဲ့ဝေးရာ လွမ်းလွမ်းနေရ ။
ငါ့ကိုရတဲ့ အနုပညာ ကြမ်းရှရှမှာ
ငါ့အသား မည်းရ
ငါ့ဖိနပ် ပါးရ
ငါ့အဆုတ် နာရ ။
အဆင်မပြေတဲ့ သူငယ်ချင်းက
ငါ့ဆီ လာတယ် ။
အဆင်ပြေတဲ့ သူငယ်ချင်းဆီ
ငါက သွားတယ် ။
ငါ သောက်တဲ့ လက်ဖက်ရည်
စားပွဲထိုး အလွတ်မရဘူး ။
ငါ မသောက်တဲ့ ‘ ပြန်ဆိုတေး ’
ဆိုင်ရှင် အလွတ်မရဘူး ။
မနေ့က
နေ့သွင်းပြည့်တယ်
မွေးနေ့ဆိုလား
ငါ မတွေ့ချင်ယောင်ဆောင်ခဲ့တာ ။ ။
#စိုင်းဝင်းမြင့်
ရနံ့သစ် ၊ စက်တင်ဘာ ၊ ၂၀၀၀ ။
#သူစိမ်း_၁၀
တစ်ယောက်ယောက်ကို စောင့်နေရတာထက်စာရင်
တစ်ယောက်ယောက်ဆီ သွားလိုက်ရတာ
ပိုအဓိပ္ပာယ် ရှိမယ် ။
တစ်မနက်ခင်းလုံး
ကျလာတဲ့ စိတ်ကူးတွေကလည်း
အကျိုးအပဲ့
တစ်နေ့ခင်းလုံး
လေးလံမိသမျှကလည်း
အခေါ်အပြော မရှိ
ညနေဆိုရင်
အလွမ်းက တောရောက်တောင်ရောက် ဖြစ်ဦးမယ် ။
လက်ဖက်ရည် တစ်ခွက်နဲ့
အသက်ကို မျှသောက်ခဲ့တဲ့
သူငယ်ချင်း တစ်ယောက်ကိုလည်း
ဒီလိုနေ့မျိုးမှ ပိုထိခိုက်ရ
တိုက်ခတ်နေတဲ့ လေထဲ ပါသွားလိုက်တာ
အခုဆိုရင်
နွားဆေးလိပ်လေး ဖွာနေမှာပဲ ။
တစ်ရက်နောက်ကျခဲ့သော ကိုယ့်သတင်း
ရပ်ဝေးမြေခြား သူငယ်ချင်းများ
ကိုယ် ကျသွားတဲ့ အသားရည်က
သူတို့လက်မှာ အသားမာတက်
ကိုယ် တင်ဆက်ခဲ့တဲ့ ဒီတစ်နှစ်လုံးမှာ
သူတို့ မေတ္တာတရားက အလွမ်းဆုံးလား
သစ်ရိပ် တောရိပ်
အိပ်တန်းပြန် ငှက်ကလေးတောင်
သူ့စိတ်နဲ့ စွဲလောင်
ဒီမှာ အလေအလွင့် အဖိတ်အစင် တစ်ယောက်
ငါ့ကျန်းမာရေး မကောင်းကြောင်း
ပြောရမလား မှတ်တယ်
သူ့မှာ အသက်တောင် ပါမလာဘူး ။
ညရောက်ရင်
အိပ်စရာ တစ်နေရာရာ ရဖို့ရယ်
ဖတ်စရာ စာအုပ်တစ်အုပ်အုပ် ဖြစ်နေဖို့ရယ်
ရောက်တဲ့နေရာက
တစ်ယောက်ကို တစ်ယောက်
ဆုတောင်းရမှာပဲ ။
ဖြတ်သွား ဖြတ်လာ
သရုပ်ဖော် တစ်ခုမှာလည်း
မရခဲ့သော ဘဝတစ်ခု ထည့်မွှေးမိ
ဒီတစ်နေ့လည်း ကိုယ့်အသက်ကို
ဒီမိန်းကလေးက ကယ်လိုက်ပြန်ပြီ ။ ။
#စိုင်းဝင်းမြင့်
စတိုင်သစ် ၊ မေ ၊ ၂၀၁၁ ။
#သူစိမ်း_၁၁
ဟိုဘက်နားက ဝင်လာတဲ့ တရားက
ဒီဘက်နားက ထွက်သွားတယ် ။
ငါဟာ ဘယ်လို သန္ဓေမျိုးလဲ
အဆွဲမခံတဲ့ ဖဲချပ်လို အဆဲမခံခဲ့ ။
လူတစ်ယောက်ဟာ တွက်နည်းတစ်ခု ဆိုရင်
ငါဟာ တွက်နည်းတစ်ခု
ခုတော့
ငါ့စိတ် လူမိပြီ ။
လမ်းဘေး စာအုပ်ပုံထဲ
စာအုပ်ဟောင်းတစ်အုပ် ပစ်ထည့်လိုက်သလို
င့ါအဆင်မပြေမှုကို
ဈေးဖြတ်ပစ်ထည့်လိုက်ရမလား ။
လက်ဖက်ရည်စားပွဲ ဓားစိုက်
ပျဉ်းကတိုးသားထဲ ရိုက်သွင်းမိတဲ့သံ
လက်ဖျံနဲ့အတူ သေရာပါမယ့်ရဲစိတ်
ငါ့ကိစ္စမှာ နောက်တစ်ယောက် မရှိဘူး ။
လွမ်းတတ် ဆွေးတတ်တာ
လူမှား ဓားခုတ်ခံရတာပေါ့
ငါဟာ ဂစ်တာတစ်လက်
C Am F G . . . က ဆက်မယ် ။ ။
#စိုင်းဝင်းမြင့်
ရယ်စရာ ၊ ဇွန် ၊ ၂၀၀၁ ။
#သူစိမ်း_၁၂
လူလူချင်း ထိခတ်ရုံဖြင့်
အပျော်ကူးစက်ပါ့မလား ။
မြင့်တက်သွားတဲ့ ချားရဟတ် တစ်ခုလို
ငြီးငွေ့မှုက တစ်ပတ်ပြန်ကျပေါ့ ။
မင်း မဖြတ်ခဲ့တဲ့ ပွဲတော်လက်မှတ်ထက်စာရင်
နောက်ထပ် သူစိမ်းတစ်ပုဒ်က အသက်ဝင်မယ် ။
ငါလေ
ဝင်နေတဲ့ အဖျားသွေးနဲ့ လူအပြတ်ဆုံး လမ်းကလေး
အလွမ်းအဆွေးဖြင့် ရွေးလျှောက်ခဲ့တယ် ။ ။
#စိုင်းဝင်းမြင့်
၂၀၀၁ ။
#သူစိမ်း_၁၃
သူ့စာအုပ်စင်ကလေးမှာ
စာတစ်စောင်မှ မထားခဲ့ဘူး ။
သူ့နံရံမှာ
ဘာတစ်ခုမှ မရေးခဲ့ဘူး ။
သူ ဘယ်မှာလဲလို့ တစ်စုံတစ်ယောက်က မေးတဲ့အခါ
မနေ့ကလား တစ်နေ့ကလား
လွန်ခဲ့တဲ့ ရာစုတစ်ခုကလား
သုတ်တီးသုတ်ပျာ ဆံပင်စုတ်ဖွားနဲ့ တွေ့တာပဲလို့
တစ်စုံတစ်ယောက်က ဆိုချင်ဆိုမယ် ။
သူဟာ ဒီလိုပဲ ပျောက်ပျောက်သွားတတ်တယ် ။
အလွမ်းသင့်ရာ အသက်ပွင့်တတ်တယ်
အဝတ်တစ်ထည် ကိုယ်တစ်ခုဟာ
သူ့အနုပညာလား
သူစိမ်း အခန်းဆက်ဟာ
သူ့အသက်ရှုသံလား
ဒီနေ့မှာတော့ သူဟာ စာမလာ သတင်းမကြားပေါ့ ။ ။
#စိုင်းဝင်းမြင့်
၁၀ ၊ ၁ ၊ ၀၁ ။
ချယ်ရီ ၊ မတ် ၊ ၂၀၀၂ ။
#သူစိမ်း_၁၄
ခြင်ထောင်ကြိုး ဖြည်ချရင်း
လူတစ်ယောက် ဘယ်လို ဖြည်ချရမယ် ဆိုတာ
ရေကျတော့မယ် ဆိုတဲ့ အတွေးနဲ့
အိမ်တံစက်မြိတ်ရောက်အောင် တိုးလာတဲ့သွေးနဲ့ ။
နေ့လယ်နေ့ခင်း
ကိုယ့်အရိပ်ကိုပဲ ကိုယ် ပြန်နင်းမိတယ်
ငါ့ခြေထောက်တွေကလည်း
လျှောက်မယ် ဆိုတာချည်းပဲ ။
ဆံပင်တွေနဲ့ ရှို့လို့
တစ်မြို့လုံး ကူးစက်
မျက်ရည်လက်မှတ် ဘယ်လို ဖြတ်လိုက်ရမယ်
အသက်ဇီဝ ဘယ်နေရာက စလိုက်ရမယ် ။
ဘယ်လို
အဆက်အစပ် ရှိသလဲ ဆိုတော့
ဘဝတစ်ပါး နေကြာပန်းများနဲ့
တုန်ယင်မှုဟာ ငယ်နာမည် ။ ။
#စိုင်းဝင်းမြင့်
#သူစိမ်း_၁၅
နေ့တစ်နေ့ကို အဆုံးထိ မမြင်နိုင်တာက
မနက်ခင်း နှင်းတွေ
အသက်ရှင်ခြင်းကိုသာ ငါ ဖွဲ့ဆိုသင့်တယ်
ငါ အသက်မရှိဘူး ။
ကားမှတ်တိုင်မှာ
ငါ အကြာကြီး ရပ်တယ်
ယောင်တိယောင်န
ဘယ်ကို သွားရမယ် မသိဘူး ။
ငါ တစ်ယောက်တည်း
လက်ဖက်ရည်ဆိုင်တွေ တစ်ဆိုင်ပြီးတစ်ဆိုင် ထိုင်တယ်
ငါ မသောက်တဲ့ စီးကရက် အငွေ့တွေကိုပဲ ရတယ်
တစ်နေ့လုံး
အစိတ်စိတ် အမြွာမြွာ
မြို့ရဲ့ လမ်းတွေကို ငါ လျှောက်တယ်
ငါ ဘယ်မှမရောက်ဘူး ။
ငါ့ကို မြင်တော့
ငါ့သူငယ်ချင်းတွေက
ငါ ပျော်ရွှင်တယ်လို့ ထင်တယ် ။
ငါ့မှာ ကြွေစရာ သစ်ရွက်တွေ မရှိတော့ဘူး ။
ငါ စာအုပ်တွေအကြောင်း ပြောတယ်
ငါ သီချင်းတွေအကြောင်း ပြောတယ်
ငါ့ရဲ့စိတ္တဇကိုတော့
ငါ ဘယ်သူ့မှ မပြဘူး ။
ခေတ်တစ်ခေတ်ဟာ ရွေ့လျားနေတယ်
တစ်နေ့ပြီးတော့ နောက်တစ်နေ့
ဘဝက တစ်ခုတည်း
ငါ့အဖေက ငါ့ကို လူမှုရေးအကြောင်း တွေးဖို့ပြောတယ်
ငါ တွေးကြည့်တယ်
ငါ တွေးကြည့်တော့ ငါ မရှိတော့ဘူး ။ ။
#စိုင်းဝင်းမြင့်
#ဂီတ
တစ်ညနေခင်းလုံး
လွမ်းဆွတ် ငေးဆွတ်မှ
ဖျတ်ခနဲ အရိပ်ကလေး
ဒင်းက ပေးတယ်
ငါ့စိတ်ကို ဖောက်ထုတ်ပစ်လိုက်တဲ့ ပြတင်းပေါက်လေ
တစ်ဖက်မှာ
တရိပ်ရိပ် မိုးသားများ
တစ်ဖက်မှာ
အစိပ်စိပ် အမြွာမြွာ အနမ်းများ
အသံပေးခဲ့တာ မဟုတ်ဘူး
သွေးသံတရဲရဲ ချစ်သူနှစ်ဦး
ညတစ်ညရဲ့ အစမှာ တစ်ဘဝစီ
ပြိုင်တူကျွမ်းမိပုံကိုက
အသံထွက်နေတာ ။ ။
#စိုင်းဝင်းမြင့်
#ဂီတ_၂
ဟိုဘက်ကမ်း ဒီဘက်ကမ်း
ကိုယ့်အလွမ်းနဲ့ တံတားထိုးထားတယ် ။
ဓာတ်ပုံထဲက အင်္ကျီလက်တစ်စ
တဖျပ်ဖျပ်ခါ
ဖြတ်ပျံသွားတဲ့ ငှက်တစ်ကောင်မှာ
မင်း လောင်ကျွမ်းမှု အတောင်ပံ တပ်လိုက် ။
အမည်ပေးမထား
၃၆၅ ရက် အသေ
ပင်လယ်အငွေ့အသက်
နာရီစက် တမြည့်မြည့် လှိုက်စား
ရွှေဖြစ်သွားအောင် အလှမ်းဝေး နေတာလား
မျက်နှာပေါ် မလွတ်တမ်း ဖြတ်ထိုးနေတဲ့ နေရောင်နဲ့
ငါ လာခဲ့တော့မယ် ။ ။
#စိုင်းဝင်းမြင့်
စတိုင်သစ် ၊ မတ် ၊ ၂၀၀၁ ။
#ဂီတ_၃
ဒီလို ညနေခင်းမှာ
မင်း နာမည်လေး သိခဲ့သူ ဆိုရင်လည်း
သြော် . . . ဘယ်သူရယ်လို့
ငါလေ ရွတ်ဆိုမိဦးမယ်
သစ်တစ်ပင်မှာ
ချစ်ခြင်းကို ထွင်းမိဦးမယ် ။
ဒီလို ညနေခင်းမှာ
မင်းသာ အဝေးပြေး တွေးတတ်မယ် ဆိုရင်ပေါ့
ငါဟာ တမြည့်မြည့် အောက်မေ့ခြင်း စွန်တစ်ကောင်
မင်း ဆောင်ထားတဲ့ ဓားမှာ စွဲလောင်လို့
မင်းတို့ မြို့လေးမှာလည်း
ကိုယ့်အကြောင်း ဖွင့်ပြောမယ် ဆိုတဲ့ တိမ်တစ်စ . . .
လူတိုင်း အလွတ်ရကြမှာပဲ ။
#စိုင်းဝင်းမြင့်
#ဂီတ_၄
‘ ရေမကူးတတ်သူဟာ
ကျောက်တုံးပေါ့ . . . ’
သူ့အသံနဲ့ ရေချိုးဆိပ် တံတားလေး
သက်တံ ညွှတ်ကွေးလို့ ။
မြစ်ထဲ
ကျဲကျနေတဲ့ နေရောင်က
တလက်လက် ကူးခတ်
ကမ်းစပ်ကုက္ကိုလ်ပင်နဲ့ ကိုယ့်အရိပ်မှာ
ရင်ထဲ
ထိတ်ထိတ်ပျာပျာ ။
အသားခုတ်တဲ့ နေရာကို
စွန်က သိတယ်
အဝေးက ငါးမန်း ရောက်ရှိလာတာ
မေတ္တာတရား သွေးစို့နေလို့ပေါ့ ။
ခန္ဓာကိုယ်ကို အပျက်ရှုတော့လည်း
ငုဝါပန်းလေးတွေပဲ ပွင့်တယ်
မနက်လင်းရင် ကိုယ်တို့ သတင်းက
တစ်ရပ်ကွက်လုံး ပျံ့နေတော့မှာပဲ ။
ဘာကြောင့်
အရှိန်နဲ့ ပြင်းပြနေသလဲ ဆိုတော့
မျက်ရည်မှာ အဖြေ မရှိဘူး ။
ချွတ်ထားရတဲ့ ဖိနပ်လေးသာ
တွန့်လိမ် ကော့ပျံ နေပေါ့ကွယ် ။
#စိုင်းဝင်းမြင့်
ချယ်ရီ ၊ သြဂုတ် ၊ ၂၀၀၁ ။
#ဂီတ_၅
မမြင်ရတဲ့ တစ်ယောက်က
သွေးကြောထဲ ရောက်တယ် ။
မြင်ရတဲ့ တစ်ယောက်က
ငါ့သွေးနဲ့ ဝေးရာ ရောက်တယ် ။
စိတ်နဲ့ ထိခတ်သမျှ ရွှေ ဖြစ်ပြီး
ရွှေနဲ့ ထိခတ်မယ့် လက်က ပြတ်နေတယ် ။
ငါ့ခန္ဓာကိုယ်က ပဲ့ထွက်သွားတဲ့ အလွမ်းက
ငါ့ကို အလင်းပြန်တယ်
မင်း ခန္ဓာကိုယ်က ပဲ့ထွက်လာတဲ့ အနမ်းက
ငါ့ကို တွင်းနက်လွန်းတယ် ။
အသံမှုန် အသံစ ပြာကျတိတ်ဆိတ်
မင်း စကြာဝဠာ အိပ်စက်ခဲ့ပေမဲ့
ငါ့သွေး မတိတ်ခဲ့ဘူး ။
ငါ့စိတ်ကို ငါ မွှေးခဲ့တယ် ။
ဒီမှာ
လက်က လက်ကို ဆက်မရတော့ဘူး ။
စိတ်က စိတ်ကို ကုမရတော့ဘူး ။ ။
#စိုင်းဝင်းမြင့်
ချယ်ရီ ၊ ဒီဇင်ဘာ ၊ ၂၀၀၁ ။
#ဂီတ_၆
အဖြေ မရှိခြင်းက
အိမ်တံစက်မြိတ်မှာ ထိုးကျနေတဲ့ ရေတံခွန် ။
ဒီတစ်နေ့တော့ဖြင့်
အကုန်လွှတ်ချထားလိုက် ။
ချစ်ခြင်းမေတ္တာ ဆိုတာ
အချက်အလက်ကို လိုချင်တာ မဟုတ်ဘူး
အရေးအသားကို လိုချင်တာ ။
အဖြူစွန်းတာလည်း စွန်းပေတာပဲ
နှလုံးသားကလည်း သေစကား သိပ်ပြောတာပဲ ။ ။
#စိုင်းဝင်းမြင့်
#ဂီတ_၇
ကိုယ်က လင်းနေရင်
မင်းက အမှောင်ကျလို့ . . .
မမြင်ရတဲ့ တစ်ဖက်ကိုပဲ
ငါ တွေးမိတယ် ။
ချစ်ခြင်းမေတ္တာ ဆိုတာ
လျှပ်ကူးတဲ့ အလွှာ
တစ်ယောက်တည်း စကားပြောမိလို့လား
ရူးသွပ်ခြင်းရဲ့ လက္ခဏာ
သစ်ပင်ဝါးပင်လေးတွေတောင်မှ
လှုပ်ခတ် အသက်ဝင်ချင်တော့တာပဲ ။ ။
#စိုင်းဝင်းမြင့်
#ဂီတ_၈
အိပ်တန်းပြန် ငှက်တစ်အုပ်က
ကိုယ့်အသက်ကို နှုတ်ယူတော့မယ် ။
ရုတ်ခြည်းပဲ ကျန်ခဲ့ရသူ ကိုယ့်မှာ
ဝင်နေတဲ့ နေကို ကျောပေးလိုက်ရ ။
ချည်ချော် တစ်စလို
ထစ်အခဲ့တဲ့ ချစ်ခြင်းမေတ္တာ
ထမီခါ ဖုန်ခါ ထွက်ခွာသွားတဲ့
တစ်ခါတုန်းက သူမ မျက်နှာ ။
ကိုယ့်မှာ
စိတ်တစ်စ ဘဝတစ်စ
လွှတ်ချမိတဲ့ အလွမ်းက
ဖျပ်ဖျပ်လူး
လွှတ်တင်မိတဲ့ စွန်က
လေမိ
မြစ်ထဲမှာလည်း
လှေနဲ့ ရေနဲ့ ငြိနေမယ် ။
အချစ်ရယ် . . .
ကိုယ့်အသံကိုမှ
ကိုယ် ပြန်မစမ်းနိုင်တော့
ကိုယ့်စိတ် မြေမခအောင်
ကိုယ့်ခြေနဲ့ တော့တော့ပေးနေရပေါ့ကွယ် ။ ။
#စိုင်းဝင်းမြင့်
#အဆွေးများ
မီးခိုးတွေ ထိုးတက်လာပြီဆိုရင်
နှလုံးသားရှိရာ မြို့ရွာကပဲ ။
ကွယ်လွန်ခြင်း သတင်းဟာ
တယ်လီဖုန်း ဘယ်လောက်စုတ်စုတ်
လှမ်းဆက်လိုက်တာနဲ့ တန်းဝင်တော့တာပဲ ။
ရင်ထဲ
အကွက်ဆင်ထားတဲ့ မိုးသားတွေ
ကမ်းက ခွာတာနဲ့
နစ်မြုပ်သွားမယ့် ရွက်လှေ ။
သံတုံးသံခဲတွေ မသုံးစွဲချင်ဘူး
လင်းနို့အတောင်ပံတွေ ကမ္ဘာကြီးထဲ ပြန်မလာဘူး
နေရောင်ခြည် ဓားပေါက်သမားတစ်ယောက်
မှောက်ဖဲတွေ ဆွဲလှန်ပစ်လိုက်တယ် ။ ။
#စိုင်းဝင်းမြင့်
၃ ၊ ၉ ၊ ၂၀၀၂ ။
#ဖြစ်ဖဲ
တကယ်ကောင်းတဲ့ ကဗျာ
တစ်ကြောင်းတည်းနဲ့ ပြီးခဲ့တယ်
' မောင်ချောနွယ် ' ။ ။
#စိုင်းဝင်းမြင့်
၂၉ ၊ ၆ ၊ ၂၀၀၃ ။
#နားနားပြီးပြော
ဘာမှန်းမသိတဲ့ အရာတွေနဲ့
ဘယ်မှမရောက်တဲ့ လမ်းတွေနဲ့
ကျွန်တော် ယူထားတဲ့ ယာဉ်ကြောက
ဘယ်တော့မှ မမောဘူး ။
ဘယ်တော့မှ မကျေဘူးဆိုတဲ့ အကြွေးကို
မသေမချင်း ဆပ်လို့
ဘယ်တော့မှ မသေဘူးဆိုတဲ့ ကဗျာကို
အညံ့ခံ ရေးလို့
အိမ်ပြန်ခဲ့တယ် ဆိုတာလည်း
အရာရာ အားလုံးနဲ့ လွဲလို့ ။
တစ်ခုနဲ့တစ်ခု
ရှေ့ဆက်ဖို့ ဆက်သွယ်ထားတာလည်း
တေ့ဆက်
မီးနီက အနုတ်လက္ခဏာကို သုညအထိ ပြတယ်
လမ်းမှာ တွေ့တာဆိုတော့
ခေါင်းထဲ မရောက်ဘူး ။
ပြန်လမ်းမရှိတဲ့ နေရောင်မှာ
တို့နှစ်ယောက် ဝေးကွာနေတာလည်း ငွေကြေးတစ်ခုတည်း
ဒီအကြောင်းကို စကားစမိတော့
ကောင်မလေးက ' အဲဒါဘယ်နှနှစ်ရှိပြီလဲ '
ကျွန်တော်က ' အရင်ဘဝက အဆက်တွေ ' ။ ။
#စိုင်းဝင်းမြင့်
၂၆ ၊ ၆ ၊ ၂၀၀၃ ။
#နားနားပြီးပြော_၂
ရေ ဝယ်ဖြည့်ရတယ်
မီး ဝယ်သုံးရတယ်
အသေးအဖွဲလေးတွေက အစ
တစ်စချင်း တစ်ခုချင်း
အသေးစိတ် တွက်ချက်ရတယ်
အသုံးတည့်မလား မတည့်လား
တစ်ခါတည်း စဉ်းစား
ဘုရားပန်းက အစ
ကြာကြာခံဖို့
ဘတ်စ်ကားခရီးစဉ်က အစ
မမြန်ပေမဲ့ သက်သာ
ပြန်လို့လည်း မရ
ပြေးလို့လည်း မရတဲ့ ကမ္ဘာ
ဖြည်းဖြည်းလျှောက်ရင် ဝေးဝေးရောက်မယ်
စကားများများကိုလည်း
မနက်ဖြန်မှ ပြောမယ် ။ ။
#စိုင်းဝင်းမြင့်
#တခြားသော
မနက်ခင်းက
ခိုတွေနဲ့ ညွတ်အိလေးလံ
ကုသိုလ်ကံရဲ့ အသံမှာ
အသက်ဇီဝကို ရန်ရှာမိတယ် ။
တို့နှစ်ယောက် တင်ဆက်ခဲ့တဲ့
သရုပ်ဖော်ဂီတ တစ်ခုလေ
‘ လျှပ်စီးတလက်လက်
ထီးလေးတစ်ချောင်းနဲ့ အသက်ကို မျှဆောင်းခဲ့ ’
ဒီမနက်မှာတော့
ဘယ်တစ်ဖက် ညာတစ်ဖက်
သားကြောပြတ်လေရဲ့ ။
ပြက္ခဒိန်ဟာ
သက်တမ်းကုန်ဆုံးခဲ့ပေမယ့်
ငါလေ
မင်း မျက်နှာလေး မဖြုတ်ချထားရက်နဲ့
နံရံမှာ ဒီအတိုင်း ထားရတယ် ။
ငါ့အစားအသောက်မှာ
မင်း ရိုက်နှိပ်ခဲ့တဲ့ ရက်စွဲလည်း
လွန်ခဲ့
ငါ့အသက်ဓာတ်မှာ
မင်း အတိုးသတ်ရမယ့် အနမ်းလည်း
လွန်ခဲ့
မင်း အခွံ မင်း ပြန်နွှာကြည့်ရင်
တုန်လှုပ်ချောက်ခြားမှုကို တွေ့ရမယ် ။
ငါ တစ်ယောက်တည်း
ဘယ်လို ကုန်ဆုံးရမှန်း မသိတဲ့ နေ့တွေလည်း
ဘယ်လို ကုန်ဆုံးခဲ့မှန်း မသိတော့ဘူး ။
ငါ တစ်ယောက်တည်း
ဘယ်လို ကုန်ဆုံးရမှန်း မသိတဲ့ ညတွေလည်း
ဘယ်လို ကုန်ဆုံးခဲ့မှန်း မသိတော့ဘူး ။
ငါ့နားဝေးတဲ့ တစ်နယ်တစ်ကျေးမှာ
ဘယ်လို တေးတွေ မင်း ဆိုနေသလဲ
ငါ့မျက်လုံးကန်းတဲ့ တစ်ဖက်ကမ်းမှာ
ဘယ်လို လမ်းတွေ မင်း ဖောက်နေသလဲ ။
အဝေးပြေးကား မထွက်ခွာခင်
တစ်ရွက်ကျန် လက်မှတ်လေးမှာမှ
ကိုယ့်အသက်ကို ကိုယ် ဖြတ်မိခဲ့လေခြင်း
မင်း . . .
မင်း ဘာလို့ မငြင်းခဲ့တာလဲကွာ ။
အခုတော့
ဖျပ်ဖျပ်လူး ရင်းထ
ဘယ်လို တရားဓမ္မနဲ့မှ ဖြေမရပေါ့ ။
ကမ္ဘာ့ဝင်ရိုးစွန်း နှစ်ဖက်
ရင်ချင်းဆက် ခေတ်ကြီးမှာမှ
တစ်ယောက်ကို တစ်ယောက်
ရုပ် မမြင်ရ
အသံ မကြားရ
အသံကုန် အော်ခဲ့သမျှ
အသံ ကုန်ခဲ့ရ ။
ငါတို့ ညီညွတ်ခဲ့တဲ့ ဂစ်တာခြောက်ကြိုး
ငါတို့ ဘဝကို ဘယ်သူ ရိုက်ချိုးတာလဲ
မင်းလည်း ကြိုးလျော့ခဲ့ပြီ
ငါလည်း လက်ကွက်မေ့ခဲ့ပြီ ။
ငါ့အေးစက် သွေးပျက်မှုနဲ့
တုန်လှုပ်ပျံ့လွင့် နှင်းလေ
အမှောင်ထဲ တစ်ဝက်ကျ
နေရောင်ထဲ တစ်ဝက် လောင်ကျွမ်းနေတော့တယ် ။
#စိုင်းဝင်းမြင့်
ရုပ်ရှင်တေးကဗျာ ၊ ဇွန် ၊ ၂၀၀၁ ။
#တခြားသော_၂
သူ ဖမ်းနေတဲ့ သော့ချက်ထဲမှာ
တစ်မနက်ခင်းလုံး ကိုယ့်အပျက် ။
လမ်းတစ်ဝက်
ဖျောက်ဖျက်ခဲ့တယ် ဆိုပေမဲ့
ကိုယ့်အရင် ရောက်နှင့်ပေါ့ ။
‘ ပြတင်းပေါက်ကို ဖွင့်လိုက်သောအခါ . . .
ကိုယ့်သေမင်းလို တွေ့ရ ’
ရောက်ရာအရပ်က မနက်ခင်းမှာ
မင်းလည်း ဒီလိုရေးမယ် ။
တစ်ယောက်သွား မြက်လမ်းသွယ်လေး
မျက်ရည်စို
အတွေးထဲ ဘယ်လို ဆင်းရမယ်
လေယာဉ်ပျံတစ်စီး
မင်းလည်း လက်တစ်ဖက် ထုတ်ထားရော့မယ်
သွေးအေးလေးလံ နံရံနှင်းထဲ
ဘယ်တော့မှ ထွင်းမဖောက်နိုင်ခဲ့
ချစ်ခြင်း ။ ။
#စိုင်းဝင်းမြင့်
#တခြားသော_၃
တိတ်ဆိတ်ခြင်းဟာ
မင်း ရေးသားခဲ့တဲ့ အကြောင်းအရာပဲ
နံရံမှာ
ကြမ်းခင်းမှာ
လက်သည်းရာတွေနဲ့ ။
ငါ မပျော်ရွှင်ဘူး ဆိုတာ
ငါ သွေးမအေးဘူး ဆိုတာ
လက်ဖက်ရည်ဆိုင်တွေမှာ ကြည့်
မြို့ရဲ့ လမ်းတွေမှာ ကြည့်
ငါ့ရဲ့ အစိတ်စိတ် အမြွာမြွာကို
အရာရာ အားလုံးမှာ တွေ့ရမယ်
အရာရာ အားလုံးမှာ ငါ တွေ့ခဲ့တယ်
မမြဲခြင်း ။
နေ့လယ်နေ့ခင်း
အရိပ်တစ်ခုခုအောက်မှာ ရောက်နေစေချင်တယ်
ငါ့ရဲ့ ဆုတောင်းခြင်းမှာ
ပန်းတွေ ပွင့်တယ် ။
မေးခွန်းကို နားမလည်တော့
ငါ ဘယ်လို အဖြေပေးရမယ် မသိဘူး
မင်း ချပြတဲ့ အတွေးအခေါ်တွေက
အလေးအပင် သိပ်များတယ် ။
ပျော်ရွှင်ခြင်း ဆိုတာ
စက္ကူပေါ်မှာ ရေးဆွဲထားတဲ့ ရှုခင်းပဲ
ငါ့အဓိပ္ပာယ်ထက် ပိုကျယ်ပြန့်နေတော့
လမ်းသွားရင်း ငေးကြည့်ခဲ့ရတယ် ။
စိတ်ကူးစိတ်သန်း ဆိုတာ
ငါ့အတွက်တော့ မဖြတ်သန်းရ နယ်မြေ
ငါ့မှာ ကြွေစရာ သစ်ရွက်တွေ မရှိတော့ရင်
ငါ အသက်ရှိတယ် ဆိုတာကို
ဘယ်လို သက်သေပြရမလဲ ။
ငါ ထိမိစမ်းမိသမျှဟာ စီးဆင်းနေတော့
ငါ ဘယ်လိုမှ ပေါ့ဆလို့ မရဘူး
ဘယ်အရာဟာ ကြာကြာခံမလဲ
ငါ ပြုလုပ်မယ် ။
နေရောင်ခြည်ဟာ
သစ်ရွက်တွေကြားက လျှောကျနေတယ်
ငါ့စိတ်တွေ တအားပျံ့လွင့်တာပဲ
ငါ့အိမ်ရှေ့က သစ်ပင်မှာ
ဓားထစ်ရာတွေနဲ့ ။
ဟိုဘက်သံလမ်း ဒီဘက်သံလမ်း
ငါ့အလွမ်း လက်မှတ်နှစ်စောင် ဖြတ်ထားတယ်
သတင်းရုပ်ရှင်မှာ
ဘယ်ရထား အရင်ဝင်လာမလဲ ။
အခန်းအပြင်ဘက်မှာ
ခြေသံတရှပ်ရှပ် မကြားရဘူးလား
စားပွဲပေါ် တင်ထားတဲ့ ပန်းအိုး
တစ်စုံတစ်ယောက်က ဝင်တိုက်မိသလို
ကျမကွဲဘူးလား
နံရံမှာ
ကြမ်းခင်းမှာ
အရိပ်ဟာ မချောက်ချားဘူးလား ။
အခု
နှင်းတွေ အရမ်းကျနေတယ်
အဝေးပြေး ကားတွေ ရပ်ထားရတယ်
မမြင်ရခြင်း ကြိုးတစ်စ
ငါ လှမ်းဆွဲလိုက်တယ် ။ ။
#စိုင်းဝင်းမြင့်
#တခြားသော_၄
လွမ်းဆွတ်ခြင်းဟာ
မနက် မိုးလင်းတာနဲ့ အံ့သြရစမြဲ
မော့ကြည့်လိုက်
ဒီတစ်ခါ ပိတောက်ပန်း ပွင့်တယ် ။
ပိတောက် ပွင့်ခြင်းဟာ
ငါ့အိမ်ရှေ့က သစ်တစ်ပင်တည်းမှာလား
စက်ဘီးလေး တစ်စီးနဲ့
တစ်မြို့လုံး လှည့်ပတ်ကြည့်တယ်
တစ်မြို့လုံး ပိတောက်ပန်းတွေ ပွင့်တယ် ။
ဒီဇာတ်လမ်းကို
ငါ ဒီနေရာက စမယ်
မင်းလည်း ရောက်တဲ့နေရာက စတော့
ငါ့ရင်ထဲက ခုံပြာတန်းလေးမှာ
အခုထိ ဓားခုတ်ရာ ရှိတယ် ။
တစ်နွေလုံး ကြွေကျနေတဲ့ သစ်ရွက်တွေ
တစ်ရွက်မှ မလွတ်စေရဘူး ။
မမြဲခြင်းကို
အဆုံးထိရောက်အောင် ရှုမယ် ။
ငါ့ဆီ
မီးသတ်ကား အစီးတစ်ရာ
အမြန်လွှတ်လိုက် ။
လက်သန်းလေးမှာ
မတော်တဆ ဓားရှတာတောင်မှ
ငါက
တစ်သက်လုံး ဖွဲ့လို့မဆုံးတော့ဘူး
ဒဏ်ရာ ။
သေရေးရှင်ရေး
နှစ်တစ်နှစ်ဟာ ဖြတ်ပြေးသွားတော့လည်း
တို့နှစ်ယောက်က အဝေးပြေး အနီးဆုံး
တို့နှစ်ယောက် သေဆုံးသွားတော့လည်း ဇာတ်လမ်းမဆုံး ။ ။
#စိုင်းဝင်းမြင့်
၂၉ ၊ ၃ ၊ ၂၀၀၂ ။
#ခေတ်ပေါ်ကဗျာသို့အမှတ်ရချက်များ
ကမ္ဘာမှာ
အာဇာနည်နေ့ ရောက်လာတယ်
တော်လှန်ရေးနေ့ ရောက်လာတယ်
ကမ္ဘာမှာ
မိခင်များနေ့
ကမ္ဘာ့ကဗျာနေ့
မောင်ချောနွယ်နေ့ ရောက်လာတယ်
ဟောသည်
လသွားယာဉ်တွေ ခေတ်မှာ
ကျွန်တော်တို့ ရင်ခုန်သံများနဲ့ ကဗျာဟာ
ခြောက်ဖက်သံကြား ဖြစ်ရမယ်တဲ့
ဖြောင့်ထားသော အချက်အလက်
မြန်မာ့စာပေမှာ ခေတ်ပေါ်ကဗျာ ခြေချလို့
လကမ္ဘာမှာ ခြေရာထင်လို့
ဒိုင်နိုဆော စောခဲ့တယ် ။
ဗလ မရှိပေမဲ့ ‘ ဇ ’ ရှိခဲ့တယ်
မောင်ချောနွယ် ရပ်ကွက်ကို ရောက်ရင်ပြောပါ
ဖေဖေနဲ့ မေမေတို့ မင်္ဂလာ ဧည့်ခံပွဲဆိုလား
ဝတ်ကောင်းစားလှနဲ့ ထွက်သွားလေရဲ့ ။
ခင်ဗျား မေးတာလည်း မဟုတ်ဘူး
ကျွန်တော် ဖြေတာလည်း မဟုတ်ဘူး
ဒီကြားထဲ တစ်ခု
မောင်ချောနွယ်သာ ကမ္ဘာကြီး ကျယ်တယ်လို့ မယူဆခဲ့ရင်
ခေတ်ပေါ်ကဗျာကို တွေ့ခဲ့မှာ မဟုတ်ဘူး ။
သူ ရောက်လာတယ်
ဂွည်ထည်နဲ့ မလုံလောက်ဘူး ထင်လို့
အမေ့သားအိမ်ကနေ ကမ္ဘာ့သားအိမ်ကြီးထဲ
တစ်လောကလုံး ကျုပ် လုပ်စာ ထိုင်စားနေကြတာချည်းပဲ
ခါးထောက်မောက်မာလို့ ။
လမ်းတူရင် လူချင်းတွေ့မှာပါ
အခုတော့ တအိုင်အိုင်နဲ့ကွာ
ခြေတစ်ဖက် ဟိုဘက် ထိုးရမလို
ဒီဘက် လှည့်ရမလို ဖြစ်နေတာ ။
ပြည်တွင်းဖြစ် နိုင်ငံခြားအရက်
လောကဓံတရားထက်ပြင်းတဲ့ မချစ်ရဲ့ အရက်
တစ်ကမ္ဘာလုံး မူးအောင် သူ ချက်ခဲ့တယ် ။
မဂ္ဂဇင်းမှာ ကျွန်တော့်ကဗျာတွေ အများကြီးပါတော့
ဗုံးကြဲတိုင်း ဘင်လာဒင်ကို မိတာ မဟုတ်ဘူး
ငေါက်ငမ်းခဲ့တာ လွမ်းစရာ
ဝင်းမြင့်က အကြည်ဓာတ်ကလေး ရနေပြီ
မိုးဝေးက ရေနံအစမ်းတွင်းတစ်တွင်း
မင်းက ဒန်အိုးဒန်ခွက်တွေ လုပ်ချင်တယ်
အတည်ပြောတာ ချောပလီ ။
အပျော်ပန်းတွေ တဝေဝေနဲ့
တို့တစ်တွေ နေကြရအောင် . . . တဲ့
ပထမ မြို့တော်မှာ သက်တံရေးဆွဲလို့
ငါ့ကိုပစ်ထား စိမ်းကားကြတယ်ပေါ့လေ
ဟေ့ကောင် . . . ခက်ထန်
မင်းတို့ သစ်တောလမ်း
ဗုံးလာကြဲပစ်မယ် ။
သစ်သားဘတ်စ်ကားအိုကြီးပေါ်
မာယာကော့ဖ်စကီးနဲ့အတူ တွယ်စီးတော့
ဒီတစ်ခါ
‘ ကိုချော ’ လို့ ခေါ်ရင်
လမ်းတစ်ဝက် ခုန်ဆင်းမယ်
‘ ဦးချော ’ လို့ ခေါ် ။
ယောင်္ကျားချင်း ချစ်တဲ့အချစ်
အဲဒီ ဗိုင်းရပ်စ်ပိုးကို အရင်တွေ့ခဲ့တာ
ကန်စွန်းပလိန်းတော့ မမှာပါနဲ့ကွာ
စိတ်နာလွန်းလို့
ကဗျာကို ကြောက်ကြောက်လန့်လန့်နဲ့
စွန့်စွန့်စားစားနဲ့ စွန်းစွန်းထင်းထင်း ရေးခဲ့ ချစ်ခဲ့
အပင်ပေါ်မှာ သူ့အလိုလို မှည့်နေတဲ့
ပင်မှည့်တေး
ဘိလပ်ရည်လို တန်းစီထုတ်လို့ မရဘူး ။
ကဗျာဆရာကဖေး တစ္ဆေကဖေး
အတိတ်အကြောင်း များများရေးပြီး
ကိုယ့်အကြောင်း နည်းနည်းတွေးလို့
သစ်တော်သီး အခွံတွေ ဘယ်ပစ်လိုက်သလဲ ချာတိတ် . . . ဆိုတော့
ကျွန်တော် စားပစ်လိုက်ပြီ ခင်ဗျ . . . ပေါ့
မီးသွေး ရပြီ
မီးရဲ့ သွေး
မီးကို သွေး
လမ်းသွားရင်း ကဗျာကြည့် ကြည့်မြင် ။
ကျွန်ုပ်ချစ်သော ကဗျာပရိတ်သတ်များ
ဤကဗျာအား ကူးယူဖော်ပြ ရွတ်ဆိုနိုင်ပါကြောင်း
မောင်ချောနွယ် ဆိုသော တန်ဖိုး၌
ရွာသွန်းသော မိုးမှာ
ပိုးမွှားများ ကင်းစင်ပါစေသတည်း ။
အရက်ဖြူကို ယဉ်ကျေးမှုမြှင့်သောက်လို့
စီစီဖတ်ရဲ့ ကျောက်တုံးကြီးကို
နေ့စဉ် နေ့စဉ် တွန်းတွန်းတင်လို့
ပင်လယ်လေ ရှုသူတဲ့
အရိပ်ခြွေ သစ်ပင်တဲ့
သူငယ်ချင်း ညီအစ်ကိုတစ်တွေတဲ့
အသစ်အဆန်းနဲ့ ရွှင်လန်းလို့ ။
အခု
တောင်ကုန်းအမှတ် ၂၀၀၂
ကမ္ဘာလုံးဝန်းကြီးကိုတောင်မှ
တစ်တွဲတည်းနဲ့ အပြီးတင်မယ့် ရထား
ရထားပေါ်မှာ
တိုင်းကျော်ပြည်ကျော် ဆတ်သွား
မစ္စတာကြိမ်းပကားနဲ့ ဂျုံးနီ
အခုဆို တစ်နေ့ကို အချက်သုံးဆယ် ပိုရိုက်ခံရရှာသူ
ပေတိုး
ရထားကတော့ မသာရထားပဲ ။
ရထားပေါ်မှာ
ထမင်းအသိုးများကိုသာ မျှော်လင့်သော
မျှော်လင့်ခြင်း ထမင်းသိုးများ
ဒီဒုက္ခလေးကို ငါ့ကိုမျှပါ
ရထားပေါ်မှာ
မအောင်မြင်တဲ့ မောင်လူထွား
ယာကွပ်
မစ္စတာ ဒဗလျူကလက်
မမတင် ကျောင်းထွက်တွေ
မြို့သစ်မိုးကို ဖြတ်လို့
ကိုက်လမ်းအတိုင်း သွားလို့
ရထားကတော့ မသာရထားပဲ ။
ရထားပေါ်မှာ
ဘဝကို ပွဲတော်လို့ တွေးခေါ်သူနဲ့ အိမ်ငေးသူ
ရထားပေါ်မှာ
ဖျံဖမ်းသမား
ဖျံတွေရဲ့ အသွားအလာကို စောင့်ကြည့်လို့
ရထားဟာ ဂေါ်ကီရပ်ကွက်ကို ဖြတ်လို့
ရထားပေါ်မှာ
ရင်ကို ခွဲပြပေမဲ့
ဘာမဆို လွဲခဲ့ရသူ
သစ္စာပန်းများနဲ့ မေလ
အချစ်အကြောင်း ပြောတဲ့ညမှာ
မစဉ်းစားခြင်း သေတ္တာကို ဖွင့်လို့
မရှိတဲ့စာကို စီလို့
ရထားပေါ်မှာ
ကြယ်ပြာကလေးနဲ့ ထမင်းစားပြီးတဲ့နောက်
မောင်ချောနွယ် အတုကလေ
မျက်လှည့်ဆရာရဲ့ ဘင်ကိုမှ ဝယ်မယ်တဲ့
ရထားပေါ်မှာ
မစ္စတာလန်ဒန်
မစ္စတာတိုနီဘလဲ
လွှဲချက်မြန်တဲ့ နာရီချိန်သီးတွေနဲ့
သံတုံးသံခဲတွေကို ဆွတ်ဆွတ်နေတဲ့
မစ္စတာချာလီ ။
ဥာဏ်ကြောင့် ဒုက္ခရောက်ရတဲ့ ခရီးစဉ်
ထွန်းကားတဲ့ မြို့ကြီးတစ်မြို့
ခင်ဗျားဟာ နတ်တို့ခိုးဝှက်ခြင်းခံရတဲ့ ကဗျာပဲ
ကဗျာဆရာ ကွယ်လွန်တဲ့အခါ
ကဗျာနဲ့ သရဏဂုံ တင်ရပါတယ် ။ ။
#စိုင်းဝင်းမြင့်
၁၉ ၊ ၇ ၊ ၂၀၀၆ ။
#ကဗျာ
ကျွန်တော်က ပြုံးလိုက်တယ်
ဒါကို အမေက မြင်တော့
‘ ငါ့သား ၊ ရူးသွားပြီ . . . ’ တဲ့
အပေါင်းအသင်းတွေက
‘ ဟာ . . . ဒီကောင်တော့
သွားပြီ . . . ’ တဲ့
ကျန်တဲ့လူတွေကလည်း
ဒီအတိုင်းပါပဲ ။
ညီမလေးရေ . . .
မင်းကရောကွယ် ။ ။
#စိုင်းဝင်းမြင့်
၁၉၉၃ ။
#ဗန်းစကား
လျှပ်စစ်က
အမှားမခံဘူး ။
နံရံက နေ့စွဲ
လေးငါးရွက်လောက် ဆုတ်ဖြဲလိုက်တယ် ။
စိတ္တဇတွေ
အနတ္တတွေ
ငါ ပျင်းရိတာနဲ့ ငါ အမောမခံနိုင်တာနဲ့
၂၄ နာရီ အရေးပေါ်တွေ ။
နေရောင်ခြည်နဲ့ သွားနေတာလား
နျူကလီးယားနဲ့ ချက်နေတာလား
အာရုံတစ်ခုခုမှာ ရပ်လိုက်ချင်ရဲ့
လမ်းကို အချိန်ပိုပေးထားသူတစ်ယောက် ။ ။
#စိုင်းဝင်းမြင့်
#နေကြာပန်း
အသက်ရှင်စဉ်
တစ်ကားတစ်ချပ်မျှ ၊ မရောင်းရခဲ့တဲ့ ပန်းချီဟာ
ငါ ဖြစ်ခဲ့လေသလား ။
ရွှေချရမယ့် လက်နဲ့
ဖြတ်ပစ်ရမယ့် လက်
ချစ်ခြင်းတစ်ခုမှာ တစ်ဖက်တည်း
အစားအသောက်ကို စုတ်တံနဲ့ မွှေပစ်လိုက်တယ် ။
ယခုဘဝရဲ့ တခြားသော အဓိပ္ပာယ်
ငါလည်း
မလွယ်တာကို ဝယ်ယူမိတယ် ။ ။
#စိုင်းဝင်းမြင့်
#ဆံသဆရာ
ခင်ဗျားမှာ အရေးတကြီး အခြားအရေးတကြီးတွေ ရှိနေရင်
ခေါင်းချည်းပဲ ထားခဲ့
ခင်ဗျား ခန္ဓာကိုယ်နဲ့ ခင်ဗျား
သွားချင်ရာ သွားလို့ရတယ်
ခင်ဗျား ဆံပင်ကို အကောင်းဆုံးဖြစ်အောင်
ကျွန်တော်တို့ ညှပ်ထားလိုက်မယ်
ကျွန်တော့်လက်ကို ငွေစက္ကူ တစ်ရွက်လို လှမ်းဆွဲပြီး
ကျွန်တော့်ကို ခုံပေါ်ပစ်တင်လို့
ကျွန်တော့်ကိုယ်ပေါ် ညစ်ထေးအဝတ်ဖြူဖြူ လွှမ်းခြုံလိုက်တယ်
ပြီးတော့ ကျွန်တော့်ကို တည့်တည့်မတ်မတ်နေဖို့
စိတ်မရှည်တဲ့အသံ
ခင်ဗျားခေါင်း ငဲ့စောင်းနေရင် ခင်ဗျား ဆံပင်ပဲ မကောင်းမှာ
ဆံသဆရာဟာ သူ့ဘက်က ခုခံလို့
ဆုံလည်ကုလားထိုင်ဟာ သူ့စိတ်ထဲကအတိုင်း
ဆံသဆရာရဲ့ လက်တွေဟာ
ကျွန်တော်တို့ စိတ်ကူးထဲက ဆံပင်ပုံနဲ့ဝေးရာ
ဒါကိုပဲ ကျွန်တော်တို့ မျက်နှာနဲ့ အလိုက်ဖက်ဆုံးလို့ ပြောသေး
ဆံသဆရာဟာ ညှပ်လက်စ ဆံပင်ကို ခဏရပ်
သူ့ကိုယ်သူ အကြောတွေ ဖြေလျှော့တယ်
ကျွန်တော့်ကို သူ ထားခဲ့တဲ့အတိုင်း နေခဲ့ဖို့
ဆိုင်ထဲဝင်ရောက်လာတဲ့ သူ့မိတ်ဆွေတစ်ယောက်နဲ့
လက်ဖက်ရည်ဆိုင် သွားထိုင်ဖို့ ။ ။
#စိုင်းဝင်းမြင့်
ဟန်သစ် ၊ နိုဝင်ဘာ ၊ ၂၀၀၃ ။
#အခုပြောမယ်
ဒီတစ်နေ့လည်း ခင်ဗျားကို တွေ့ရပြန်တော့
နှစ်များစွာ ကုန်လွန်ခဲ့တာ ဟုတ်မှဟုတ်ရဲ့လား
ကိုယ့်ကိုယ်ကိုယ် အလုပ်ရှိတယ်ထင်လို့
အပြင်ထွက်လာပြန်ပြီ ထင်တယ် ။
ခင်ဗျား ထွင်းထုနေတာ လူဆိုတဲ့ ပန်းပု
စကားကို အကုန်ပြောတယ်
သက်ရှိသက်မဲ့ ဘယ်လိုခွဲလဲ
ဘယ်အစိတ်အပိုင်းဟာ ခင်ဗျားလဲ
အသွေး အသား အရိုး
ချိတ်ဆက်ထားတယ် စုပုံထားတယ်
လောင်ကျွမ်း စီးဆင်းနေတယ် ။
လက်ဖက်ရည်ဆိုင်က စောင့်ကြည့်နေတော့လည်း
ရုပ်တုဟာ ချထားခံရတဲ့ နေရာမှာ
လမ်းချိုးလမ်းကွေ့ကွေ့ ဝင်ရောက်ပျောက်ကွယ်သွားတော့လည်း
ရုပ်တုဟာ ချထားခံရတဲ့ နေရာမှာ
ကမ္ဘာအကြောင်းလား ကဗျာသမားလား
ဒုက္ခနဲ့လှလှ တွေ့နေပြီလား
ဘယ်လိုရွှေ့ရွှေ့ မရွေ့ ။
ခပ်လှမ်းလှမ်းက ပြေးကြည့်တယ်
အဆိုးဘက်က မိုးသားတိမ်တိုက်တွေ
အပျက်ဘက်က အပျင်းပြေ
လဲကျနေတဲ့အတိုင်း ကျိုးပဲ့နေတဲ့အတိုင်း
ငုံ့ကြည့်တယ် မော့ကြည့်တယ်
လက်ဖြန့်ကြည့်တယ် ထောင့်ဖြတ်ကြည့်တယ်
အလင်းတန်း လေဟာနယ်
၂၄ နာရီ ကွေ့ကောက်လို့
ဆယ့်နှစ်လရာသီ ဖူးပွင့်လို့ ။ ။
#စိုင်းဝင်းမြင့်
၂၀၀၃ ။
#လူငယ်ရှိတယ်ကဗျာအကြောင်းရောက်သွားတယ်ဆိုကြပါစို့_၁၀
လူတစ်ယောက် လျော့သွားတာကို
ခေတ်တစ်ခေတ်နဲ့ အစားထိုး ။ ၁၀ ၊ ၉ ၊ ၀၈ ။
ငလျင်ကြောထဲမှာ ခုနစ်လွှာ ၊ နေ့စဉ် ဆင်းတက်နေရတာပဲဖြစ်ဖြစ် ၊
မုန်တိုင်းထဲမှာ ကုန်တင်ကုန်ချ သင်္ဘောကြီးတွေ ဝင်ရောက်ထွက်ခွာနေတာ ၊
အငွေ့တလူလူ ရေခဲတင်ကားကြီးတွေ ဖြတ်အသွား ဆင်မင်းလမ်းတစ်လျှောက် ကိုယ်လည်း
အေးသွားတာ ကမ္ဘာ့အစိတ်အပိုင်း ရန်ကုန်လမ်း နှစ်လမ်း တစ်နည်းအားဖြင့်
ရှုခင်းနှစ်ခု နောက်ထပ် ထပ်ပြောရရင် သွေးကြောနှစ်ခု ဖြုတ်ယူသွားတာ
ကမ္ဘာ့အရင်းအမြစ် လည်နေတော့ ခြေရာကောက်မိတော့ မြစ်ကူးချောင်းခြား ၃၃ လမ်းကို
အဝေးက ကားကွက်ချထားတာ အစဉ်သဖြင့် အဆင့်ဆင့် ပန်းပွင့် နောက်ကွယ် /
လောက်ဖွယ် ဘယ်သူရောက်မှာလဲ ရန်ကုန်ဟာ မော့မော့ကြည့်ရတယ် အပေါ်ယံရှပ် အခုလဲကျ
အမြစ်ပြတော့ သစ်ပင်ကြီးကြီး မြင့်မြင့် အမြစ်မဝေး ရေခဲတောင်နဲ့
ပြောင်းပြန် ရန်ကုန်သား / လား ။
၈ ၊ ၉ ၊ ၀၈ ။
လက်နှစ်ဖက်ဟာ ဗလာမဖြစ်သေးဘဲနဲ့ ဘာကိုထပ်ယူလို့ ရမှာလဲ ။
ဒီတော့ သာမန် လူ့ဘဝနဲ့
စိတ်ကူးချိုချဉ်ဖြစ်ဖြစ်
လက်သီးချိုချိုလေးဖြစ်ဖြစ် ။ ၆ ၊ ၉ ၊ ၀၈ ။
အိမ်ထွက်စော အောင်ဇော်ဆီဝင် လက်ဖက်ရည်သောက်
အိမ်အပြန် မြစ်ထဲရောက်မှ ကိုစိုင်းစိုင်း ဖုန်းဆက်
‘ ကျွန်တော် အခုမှ မြို့ထဲရောက်လို့ ’ ဆိုလား ။ ၃ ၊ ၉ ၊ ၀၈ ။
ကိုမိုးဝေးဆီဝင် ၊ မမမြင့် ရောက်လာ ‘ ဟိုဘက်ကမ်းက လူတွေ ဖမ်းနေတယ်နော် ’
ကိုချောပုံဖမ်း ၊ ကဗျာထဲမှာပဲလေ ကိုချောက အဲဒီထဲ ဆင်းမကြည့်ဘူး ၊ လူဆန်း
မင်းလမ်းရှေ့ဆက်တိုးရင် ၂၀ နဲ့ ဘယ်လောက်ဆိုလား လူဆန်းက ၆၀ နဲ့ ဘယ်လောက်
အဲသလောက်ပဲပေါ့ တစ်ညနေ လူဆန်းက အတင်းတား ဘီယာတိုက် သောက်မှ ၃၀၀၀ ၊
မပေးရင်လည်းနေ မောင်နှမလို သားအမိလို သောက်ချင်ယောင်ဆောင်ရ ( နောက်ဆုံးတော့
. . . ) မနက်ဖြန် ကိုချော ၆ နှစ်ပြည့်အတွက် သတိရရင် လာကြပေါ့တဲ့ ။ ညနေ
ကိုစိုးနိုင်ဆီရောက် သူ အခု ဘာတွေဆွဲနေလဲ ။ တစ်ရက်ကလေးများ တိုးပြီး
ပျော်မလားလို့ ။ ၂ ၊ ၉ ၊ ၀၈ ။
#စိုင်းဝင်းမြင့်
#သစ်ရွက်ကြွေ
အခုလောက်ဆိုရင်
မင်း ဆံပင် ဘယ်လောက်ရှိပြီ ။
အခုလောက်ဆိုရင်
မင်း အရပ် ဘယ်လောက်ရှိပြီ ။
ငါ့မှာ
ပြင်မရတဲ့ အမှားတစ်ခုနဲ့
အဖျားကူးခဲ့ နေ့လေးတစ်နေ့နဲ့ ။
အလွမ်းအဆွေးဟာ
မင်း ဘဝအတွက် မတိုးတော့တဲ့ ဆေးလား ။
လမ်းကလေးဟာ
ငါ့ဘဝအတွက် မဆုံးတော့တဲ့ အတွေးလား ။
သြော် . . .
မင်း ထားခဲ့တဲ့ တရားဓမ္မပေါ့
တခြားတစ်ယောက်နဲ့ အိုမင်းသွားရလေတယ် ။ ။
#စိုင်းဝင်းမြင့်
#ခုတ်ရာ
အဲဒီနှစ်တွေက
ငါတို့ မတက်ဖူးတဲ့ သစ်ပင်
မရှိခဲ့ဘူး ။
အချစ်အကြောင်း ပြောရေးဆိုခွင့် ရှိသောအရွယ်
မြင်ရတဲ့ စေတီကိုပဲ ဖူးမယ်
မြို့လေးမှာ
ငါတို့ တိုက်ခတ်ခဲ့ တဟူးဟူး ။
အခင်းဖြစ်ပွားရာ
ငါတို့ ဘယ်လို ရောက်ရှိခဲ့သလဲ
လမ်းဓာတ်တိုင်က
မီးခတ်အားယူလို့ ။
ဘယ်သူ ငိုထားသလဲဆိုတော့
စံပယ်ပွင့်တွေ အဖွေးသာ
ငါပဲ ဖြစ်မယ် ။
သတ္တဝါတစ်ခု ကံတစ်ခုပေါ့
သူ့လို
ပခုံးပေါ်က လျှော့ချခဲ့တယ်
ငါလည်း
မေတ္တာထားမိရင် ဘာကိုမှ မမြင်တော့ဘူးကွယ် ။ ။
#စိုင်းဝင်းမြင့်
Idea ၊ နိုဝင်ဘာ ၊ ၂၀၀၁ ။
#မျက်ရည်
ငါ့မျက်လုံးနဲ့ အဆုံးသတ်လို့ မရအောင်
ရှုမျှော်ခင်းက ရှည်လျားပြန့်ကားတယ် ။
ငါ့ဘဝလေးနဲ့ သယ်ဆောင်သွားလို့ မရအောင်
ချစ်ခြင်းမေတ္တာက လေးလံကြီးမားတယ် ။
ငါ မက်နေတဲ့ အိပ်မက်ကလည်း
ငါ့ရဲ့ညနဲ့ မဆုံတော့ဘူး ။
ငါ ရွေးချယ်ခဲ့တဲ့ ဝဋ်ကြွေးတွေကလည်း
ငါ့ရဲ့နေ့နဲ့ ပေးချေလို့ မကျေတော့ဘူး ။
အချစ်ရေ . . .
ငါတို့ အတူနေမယ် ဆိုတဲ့ အိမ်လေးဟာလေ
ဒီဘဝနဲ့ မရောက်ရှိနိုင်တော့အောင်
ဝေးကွာလွန်းလှချည်ရဲ့ကွယ် ။ ။
#စိုင်းဝင်းမြင့်
ရုပ်ရှင်တေးကဗျာ ၊ အောက်တိုဘာ ၊ ၁၉၉၉ ။
#ကြေးစည်
အပတ်ပေါင်းများစွာ ချာလပတ် လည်သွားအောင်
တည့်တည့်မတ်မတ်ကြီး ထုနှက်ခံလိုက်ရ
အမျှင်မပြတ်တဲ့ မွေးရာပါ ငိုသံရှည်ရှည်က
မကောင်းဆိုးဝါးတွေကို မြူးကြွစေတယ်နဲ့ တူပ
အနိစ္စဂီတ မဆုံးခင် ။ ။
#စိုင်းဝင်းမြင့်
ရယ်စရာ ၊ သြဂုတ် ၊ ၂၀၀၀ ။
#စက်ရုပ်
ငါ ဆွဲချလိုက်တဲ့ စက်ထဲက
ငါ့ဘဝနဲ့တူတဲ့ စက်ပစ္စည်းတစ်ခု
ထွက်
ကျ
လာ
ငါ့မှာ တစ်ခါ ဆာလောင်ရပြန်တယ် ။
ဝမ်းမီးအားနဲ့ ပူပြင်းတဲ့ သံထည်ပေါ်
ဒေါက်ခနဲ ဒေါက်ခနဲ တစက်စက်ချွေး
ငါ့အိပ်မက်လို ရှဲခနဲ အငွေ့ပျံ
ဆားပွင့်ကလေး အဖြစ်သာ ကျန်ရစ်တယ် ။
မျက်နှာချင်းဆိုင်က သူငယ်ချင်းကိုလည်း
တစ်နေ့ခင်းလုံး နေလို့မှ
စကားတစ်ခွန်း မပြောဖြစ်
ငါလည်း အရေအတွက်ကောင်ပဲ ဖြစ်ခဲ့တယ် ။
ငါ့အသွေးအသားနဲ့ သံသရာစက်
ငါ ရပ်မရခဲ့ပေါ့ ရမ္မက်တစ်ကမ္ဘာ ။ ။
#စိုင်းဝင်းမြင့်
မိုးဂျာနယ် ၊ စက်တင်ဘာ ၊ ၂၀၀၀ ။
#တနင်္ဂနွေ
တနင်္ဂနွေ
ဝေလိုက်တဲ့ဖဲချပ် လန်ကျသွားတယ် ။
ဒရွတ်ဆွဲခေါ်လိုက်တဲ့ အဝေးသံမှာ
ခြေတစ်ဖက် လက်တစ်ဖက် ချိတ်မိရုံ
အသက်ချိတ်မိ
ငါ့စိတ်ထဲ သွေးတိုးညွှတ်ကျ ဝဋ်ဒုက္ခက
ငါ့ပခုံး ဆုပ်ကိုင်လှုပ်ယမ်း
အလွမ်း လက်စသတ်လိုက်တယ် ။
တစ်မနက် တစ်ဇာတ်လမ်း ဖွင့်လိုက်တာနဲ့
ခွက်ထိုးခံရတဲ့ မေတ္တာတရားက
တစ်စွန်းတစ်စမျှ ကျမလာဘူးလား
တနင်္ဂနွေဟာ
တုန်လှုပ်ပျံ့လွင့် နေတော့တယ် ။ ။
#စိုင်းဝင်းမြင့်
ဟန်သစ် ၊ ဒီဇင်ဘာ ၊ ၂၀၀၀ ။
#တစ်ဖက်ကမ်း
မြစ်ရေကြီးခြင်း သတိပေး တားမြစ်ချက်
သတိရနေလို့ မဖြစ်ဘူး
ဒီမနက်
ဟိုဘက်ကမ်းကူးမှ ဖြစ်မယ်
လှိုင်းကြီး လှေအောက် ဆိုတာ
ကျွန်တော်တို့ ပြောခဲ့တာပေါ့ ။
မိုးသက်မုန်တိုင်း လှိုင်းထနေသတဲ့လား
ဒီည
မပြန်လို့ မဖြစ်ဘူး
အမေနဲ့ ကလေးတွေက စောင့်နေမှာ
ညစာစားဖို့ စောင့်နေတဲ့ ညတစ်ညက စောင့်နေမှာ ။
ကျွန်တော်တို့ ဒီလိုပဲ ဖြတ်သန်းခဲ့တာပါ
တစ်ည ၊ တစ်ဘဝ မဟုတ်ပါဘူး ။
တစ်ဘဝပြီး တစ်ဘဝ ဖြတ်သန်းခဲ့တာ
တစ်ဘဝပြီး တစ်ဘဝ ဖြတ်သန်းရဦးမှာ ။ ။
#စိုင်းဝင်းမြင့်
နွယ်နီ ၊ မတ် ၊ ၂၀၀၁ ။
#သင်နဲ့ထပ်တူ
ဘာကြောင့် လေးလံနေရတာလဲ
ပန်းသီးတစ်လုံးကို
တဂွမ်းဂွမ်း ကိုက်စားရမယ့်အရွယ် ။
တစ်မနက်ခင်းလုံး တွန့်လိမ်ပျော့ဖပ်
ကိုယ့်အကြောင်းကိုယ် တင်ဆက်လိုက်ပါလား
အဓိပ္ပာယ် တစ်ခုခု ပေါက်ကျလာလိမ့်မယ် ။
ဒုတိယ ကမ္ဘာစစ် ချစ်ခြင်းမေတ္တာ
မင်း အဘိုးတောင်မှ အသက်ဇီဝကို မရိုးသေး
မင်း အတွေးအခေါ် နည်းနည်းပြင်လိုက်
ထိခိုက်ရှနာ ရွှေဖြစ်လာမယ် ။
ဘာကိုမှ မယုံကြည်တော့လို့
ဘာကုန်မှ မကူးချင်တော့ဘူးလား
ဖြတ်သွားဖြတ်လာ လူ့အဖြစ်ကလည်း
မင်း သရုပ်ကို ဖော်နေတော့တာပဲ ။ ။
#စိုင်းဝင်းမြင့်
ချယ်ရီ ၊ မေ ၊ ၂၀၀၁ ။
#တုန်ယင်မှုဟာနေရောင်ခြည်
ဒီမြေကို ခြေချမိတော့
ရနံ့ဟောင်းကို ပြန်ရတယ် ။
အရင် စားပွဲထိုးတွေ မရှိတော့တာ တစ်ခုပဲ
အရင်လို လက်ဖက်ရည် အရသာမှာ
အရင်လို ဆေးလိပ်မီးခိုးများ
ယင်ကောင်များ ။
အသံသေတ္တာမှာ
လောင်ကျွမ်းနေတဲ့ သီချင်းကလည်း
ငါ ကူးစက်ခဲ့ဖူးတယ် ဆိုပေမဲ့
ငါ့သွေးထဲ တေးသွား အတက်အဆင်း မဟုတ်တော့ဘူး ။
အခု မြင်နေရတဲ့ ဘောလုံးကွင်းဟာ
အရင်တုန်းက မြေဆွေးအမှိုက်ပုံ
ငါ့ရဲ့ ကလေးဘဝဟာ အသက်ဝင်လို့
ငါ့မြို့နာမည်နဲ့ မြေဆွေးပုံပေါ်က
ငါ့မြို့လေးကို ငါ အပေါ်စီးက ကြည့်ခဲ့ဖူးတယ် ။
အရင်တုန်းက ငါ့မြို့လေးမှာ
ငါ အနွေးဓာတ် မရတဲ့လူ မရှိဘူး
အခု ငါ မသိတဲ့လူတွေ ကျယ်ပြန့်လာတယ်
ငါ ဖမ်းမမိတဲ့ စိတ်ကူးတွေ ပြေးလွှားနေတယ်
ရှုခင်းကို ဆွဲဆန့်လိုက်တော့
ငါ မရောက်တဲ့ အဆောက်အဦတွေ မြင့်တက်လာ ။
အရာရာကို ငါ့ဘက်က လိုက်လျောခဲ့တယ်
ငါ့မှာ ငါ့ဘက်က သွားရမယ် ဆိုတဲ့ အသားတံဆိပ် ပါလာလို့
ဘဝတစ်ပါးအထိ သွားခဲ့တယ်
မြို့အပြင်သို့ နေရာင်ခြည်သို့ ။
ငါ ရပ်နေတဲ့ လမ်းနာမည်ကို ငါ မသိတော့
ငါ လျှောက်နေတာ ဘယ်မှမရောက်ဘူး
အဲဒီတုန်းက ငါ့အကိုင်းအခက်ဟာ
လမ်းနဲ့မလွတ်လို့ အခုတ်ခံရတာ ။
လောကဟာ မထူးဆန်းတော့ဘူးလား
အမြဲတမ်း ရယ်နေတတ်တဲ့ ငါ့အစ်ကိုတစ်ယောက်ဆို
အခုထိ ရယ်နေတုန်း
လောကဟာ မထူးဆန်းဘူး ဆိုတဲ့
ငါ့ငယ်သူငယ်ချင်း ကျော်လင်းထွန်းဆိုလည်း
လမ်းဘေး လက်ဖက်ရည်စားပွဲမှာ
အခုထိ ဓားစိုက်ထားတုန်း ။ ။
#စိုင်းဝင်းမြင့်
၂၀၀၂
#မြို့တွင်းပြောအဝေးပြော
တစ်တွဲတည်းနေ ဝဋ်ဒုက္ခများ
အခန်းတံခါးနဲ့ လှေကား
အမြဲတမ်း သော့ခတ်ထားတယ် ။
နံရံမှာ တစ်ရောင်တည်း စိတ်လေစိတ်လွင့်
လမ်းက အသံမှုန် အသံစ လွင့်
တစ်ယောက်ယောက်ကို အသင့်ပြင်ထားတဲ့
တွဲလောင်းကျ လူခေါ် ခေါင်းလောင်းကြိုးများ
မျက်နှာချင်းဆိုင် အခန်းတွဲများမှာလည်း
ကိုယ့်အတွေးအခေါ်လို လမ်းမမျှော်များ
အခေါင်းထဲ အလောင်းမရှိသလို
အမြဲတမ်း အဝတ်အထည်များ ။ ။
#စိုင်းဝင်းမြင့်
#အကိုင်းတစ်ခုတည်းတစ်မြို့စီလွဲလို့
မမြင်ရတော့
ဘာမှ မတွေးခေါ်ဘူး
ဘယ်အရာမဆို ထိစမ်းဖို့
ငါ့လက်တွေ ။
လမ်းဆိုတာ သွားဖို့
ဂီတကို ရပ်တန့်လိုက်ရင်
အသက်ဇီဝ ပြတ်တောက်သွားမယ် ။
ညို့တတ်လာတဲ့ မိုးသားတွေကို
ကိုယ့်ဘက်ပါအောင် ညှို့ယူနေရတာ
ဒီတစ်ခါလည်း
သွေးပျက်ဖွယ်ရာ ခွဲခွာရတယ်
အိမ်အပြန် အမြန်ယာဉ်က
အခုထွက်မယ် ဆိုတာချည်းပဲ ။
တစ်ချက်ခြစ် တစ်ချက်တောက်
နံရံကို အဆက်မပြတ် ထွင်းဖောက်နေတယ်
သေခြင်းမှာ မင်း ချိန်းတယ်ဆိုလည်း
‘ ပြာ ’ ဆိုတာ
ဘယ်တော့မှ မစွဲလောင်တော့ဘူး
ရေတံခွန်လို ကြယ်တံခွန်လို
တူနှစ်ကိုယ်တွေ့တုန်း အပျော်မှာ အပြုံးထည့်လိုက် ။
ဟိုဘက် စာမျက်နှာမှာ တစ်ခုခု ရေးနိုင်လိမ့်မယ်
ငါ့လက်ဟာ တုန်ယင်နေတုန်းပဲ ။ ။
#စိုင်းဝင်းမြင့်
၁၄ ၊ ၁၀ ၊ ၂၀၀၂ ။
#နားစွင့်လိုက်တော့သစ်ရွက်တွေကိုလေတိုးတဲ့အသံ
ကျောက်ဆောင်ကို ပင်လယ်လှိုင်းက ရိုက်ခွဲနေတာ
ဘဝကို တစ်ယောက်တည်း မတွေးခေါ်နဲ့
အချစ်နဲ့ လွဲရင် ကမ္ဘာနဲ့ လွဲမယ် ။
ဝေးကွာခြင်းက တစ်နေကုန်ရွာပြီး
တစ်ညလုံး မတိတ်တဲ့
မိုး
တို့နှစ်ယောက်ကြားမှာ
ဖိနပ်တစ်ရန် ကုန်သွားပြီ ။
အိပ်တန်းပြန် ငှက်ကလေးက အဝေးသင်
သစ်ရိပ်ဟာ နံရံမှာ တွေးထင်နေဆဲ
ငါ မင်းဆီမှာ ယဉ်ကျေးခဲ့ပြီ ဆိုတော့
ငါ့သွေးလို ငါ့လက် မမြန်တော့ဘူး ။
မင်း မျက်ဝန်းက
မိုးလေဝသ သတင်းတွေက ထုတ်လွှင့်လို့
မင်း နှုတ်ခမ်းက
ယာဉ်ကြောများ အဆက်မပြတ်
လမ်းမဟုတ်တဲ့ နေရာက
ငါ ဖြတ်ကူးခဲ့တယ် ။
တစ်စကနေတစ်စ ကူးစက်
လေတိုးရာ ရှေ့ဆက်နေတဲ့ ဆီမီးတန်းလေးကလည်း
မြေနီလမ်းလေးအတိုင်း
လှိုင်းထလို့ ။
မြို့အပြင်
တိုးဝင်နေတဲ့ နှင်းတွေ
လက်တစ်ဖက် ထိုးထည့်လိုက်ရင်
လက်တစ်ဖက် ပျောက်ကွယ်လို့
ရောက်ရာအရပ်က နွယ်မြက်သစ်ပင်ဟာ
သံဆူးကြိုးမှာ တွယ်တက်လို့ ။ ။
#စိုင်းဝင်းမြင့်
#လူနာ
အထက်မှာ မျက်နှာကြက်
အောက်မှာ ထွေးခံ ။
ဝင်သက်ထဲမှာ
ဝေ့ဝဲနေတဲ့ ရောဂါပိုး
ထွက်သက်ထဲမှာ
ဝေ့ဝဲနေတဲ့ ဆေးနံ့ ။
လူတစ်ယောက်ဟာ
ဝေဒနာတစ်မျိုး
အခု ထိုးနေတဲ့ ဆေးက
အသက်ကယ်ဆေး ။
လူနာက လူနာကို ခွဲစိတ်တယ်
လူနာက လူနာကို ဆေးတိုက်တယ် ။
ဝေဒနာတွေ အုံကြွနေတဲ့
၃၁ ဘုံ ဆေးရုံကြီးပေါ့
နာနေတဲ့ လူတစ်ယောက်ကို
နာနေတဲ့ လူတစ်ယောက်က
စောင့်တယ် ။ ။
#စိုင်းဝင်းမြင့်
#သွေးသားဖြေဖျောက်ရုံဖြင့်မပြေပျောက်နိုင်သော
‘ ရှင်နဲ့ ကျွန်မ
ဘာအကန့်မှ မရှိဘူး ’
( နှင်းဆီဆူးဟာ နှင်းဆီပင်ကို
အသက်ဝင်စေရဲ့ )
တည်းခိုခန်း အထွက်မှာ
ကျွန်တော့်ကို ငေါက်ငမ်း မောင်းထုတ်တယ် ။
‘ ဘဝရဲ့နောက်ကွယ် ရှင် မမြင်ပါဘူး ’
‘ ဘာလုပ်ရမှာလဲ ရုပ်ရှင် ’
‘ ရှင့်မှာ အခန်းရှိလား ’
‘ ကျွန်မ မရောက်ဖူးတဲ့ အမှောင် မရှိဘူး ’
‘ ကျွန်မမှာ ခန္ဓာပဲရှိတော့ ခန္ဓာပဲ ရင်းရတယ် ’ ။
ကျွန်တော်ဟာ ခေတ်မစားသေးတဲ့
စိတ်ကူးယဉ် ပြုပြင်ရေးသမား ။
တစ်နေ့ခင်းလုံး ငါ မင်းကိုရှာတယ်
ဘတ်စ်ကားဂိတ်မှာ
ရုပ်ရှင်ရုံအောက်မှာ
ငါ မင်းကိုရှာရင်း
ငါ မင်းကို မတွေ့ပါစေနဲ့ ဆုတောင်းတယ် ။
စတွေ့တုန်းက ယဉ်ဝင်းခိုင်
နောက်တစ်ခါတွေ့တော့ မီးယ်
၂၀၀၃ မှာ
မင်း နာမည် ဘယ်လောက်
မင်း ငရဲခန်း ဘယ်လောက် ။ ။
စိုင်းဝင်းမြင့်
#စင်္ကြံလမ်း
စိတ်ကူးတော့ အရိပ်ထင်တယ်
ထိစမ်းမိတော့ လန့်အော်တယ်
မြေပြင်ပေါ်က ဆွဲတင်လိုက်သလို
ဝါးရုံဖျားက ဆွဲချလိုက်တယ်
ညောင်ရွက်လို့လည်း ပြောတယ်
လဲမှို့ဆိုပြီး အသွင်ပြောင်းတယ်
ဆန့်သောလက် မကွေးခင်
ဝေးသော အကြောင်းတွေ ။ ။
#စိုင်းဝင်းမြင့်
#နိရောဓကဗျာ
ဒဏ်ရာထက် ပိုလှပတဲ့ ဆေးမင်ကြောင်
မရှိဘူး ။
ငါ့သွေးထဲ
ငါ အမြဲ ရောက်နေတယ်
ငါ့အရိုးထဲ
ငါ အမြဲ ရောက်နေတယ်
ငါ့နှလုံးသားနဲ့ ဝေးရာကိုတော့
ငါ အမြဲ သွားနေတယ် ။
ကမ္ဘာကြီးပေါ်မှာ
သေသူနဲ့ ရှင်သူ တစ်ခုတင်တည်း
အနုပညာ ဆိုတာ
သံသရာအထိ အလံပါမယ် ။ ။
#စိုင်းဝင်းမြင့်
#တစ်ယောက်တည်းစကား
မမြင်ရတာတွေ အာရုံမှာ မထင်နဲ့
တခြားအသံတွေ မကြားစေနဲ့
ကိုယ့်ကိုယ်ကိုယ် ပျော်ရွှင်အောင်ထား
လူအုပ်ထဲ ဖြတ်လျှောက်
တစ်ယောက်တည်း မနေနဲ့
စိတ်ကို မနည်းထိန်းထား
ဘာရောဂါမှ မဖြစ်ရင် သောက်တဲ့ဆေး
အခု သောက်ရမယ် ။ ။
စိုင်းဝင်းမြင့်
##
စိုင်းဝင်းမြင့်pageမှကူးယူသည်။
